ابويا مابيصرفش عليا ومش عايزني ادخل كليه

كنت محتاجه افضض ممكن ارتاح شويه مشكلتي ان ابويا مابيصرفش عليا ومش عايزني ادخل كليه.. من لما مامتي اتوفت من 6 سنين وانا متكفله بنفسي بعدها بسنه بابا سابني ومشي انا واخويا وانا عندي 12 سنه.. مش كفايه اني عشت لوحدي مع اخويا بيشرب مخدرات.. مش كفايه اتحملت ذل وقرف وكنت بكمل دراستي بالعافيه.. مش كفايه من واحده كانت بتطلع من الاوائل ع المدرسه وكانت بتحب تشارك في مسابقات والمدرسين يقولو هتبقي حاجه كبيره لواحده مش قادره تذاكر لكن مع ذلك كملت.. مش كفايه ثانويه عامه محضرتش فيها غير دروس قليله من خاتم ماما كانت سيبهولي وبعتو عشان اكمل وفي الاخر اجي اقول لبابا عايزه مصاريف الكليه عشان اقدم فيها يقولي مش معايا مليش دعوه.. عارفه ان مجموعي مش عالي وعارفه ان حقوق مش كليتي بس ع الاقل ابقا تعبي دا كلو ميرحش ع الفاضي ميضيعش كل دا عشان مصاريف انتساب 1450 وانا مختش منو حاجه طول 6 سنين وكمان انا الي رجعتلو اول السنادي وهو مسألش.. مكنتش عايزه هدوم ولا ميكب ولا حاجه كنت ع الاقل عايزه اكمل تعليمي💔.. اسفه طولت عليكم جدا

سندس